2020年1月16日 星期四

好戲之人陸續走 嘆冇對手劉江:無綫開始有斷層 __,劉江,無綫,

【娛樂人物】現年73歲的劉江效力無綫長達32年,演出不少經典劇集,前日他正式約滿離開。劉江否認因被減人工而離開,但直言近年在無綫拍劇「日接夜、夜接日」 ...






【娛樂人物】現年73歲的劉江效力無綫長達32年,演出不少經典劇集,前日他正式約滿離開。劉江否認因被減人工而離開,但直言近年在無綫拍劇「日接夜、夜接日」,十分辛苦。加上近年不少好戲之人接連離開無綫,劉江批評演員間已出現斷層情況,沒好對手的情況下自己也毫無發揮。

採訪:皓騫

劉江服務無綫32年,前日正式離巢,昨日是他回復自由身的第一天,早上臨出門做運動前接受《蘋果》電話專訪:「心情好平常,冇乜起伏,因為呢個日子嚟嘞,我都要接受,呢個決定係好難,但已經決定咗,心情都係好開心。之後會去旅行,喺台灣過年。」有報道指劉江離開皆因近年不斷被無綫減人工,由高峯期6萬元減到7,500元,早前傾續約又被要求減騷,令他連續失眠兩晚,最終忍痛決定離開,但劉江否認:「7,500蚊?冇呢啲事,係我唔想做,30個騷點會7,500蚊㗎大佬,黐線,呢啲唔知乜嘢人計出嚟。我瞓唔着係諗住做定唔做,但決定時感情上都係有啲唔好受,因為我始終工作咗30幾年。」

劉江前日正式離開無綫,但不退休的他說:「總會江湖見!」資料圖片


1972年劉江(右)拍攝胡金銓執導的《忠烈國》,展開銀色旅程。互聯網圖片


2013年劉江獲無綫頒「傑出演員大獎」,實至名歸。互聯網圖片


梗有唔開心

在無綫32年,劉江曾獲無綫頒獎禮最佳男配角及主角提名。劇照


總會江湖見

拍劇多年最開心是那段時間?劉江說:「唔開心時可能遇到好劇又開心,所以冇話邊段時間開心,不過,人呢越嚟越好多人離開咗,開始有斷層,做戲上比較難做啲。」視后田蕊妮前日亦宣佈約滿離開,劉江愕然表示不知情,是否覺得好戲之人陸續走,冇一個可以跟他交到手?劉江笑稱:「可以咁講。」高手跟老戲骨一個接一個離開,劉江笑言:「所以我都好想行出嚟,睇吓有冇人搵吓我,遇吓啲對手,都係一件好事。」想跟那人合作?他說:「我唔知呀,我都唔知有乜人喺度,我喺TVB咁耐,出面點樣我都唔知。」有公司招手嗎?劉江口密說:「唔知,總會江湖見!」


鍾意就快D Share啦!