朱晨麗曾公開多次話洪永城擅自加戲！
藝人洪永城（Tony）於無綫發展順暢，不過是非卻不斷，有指他拍劇時會自行加添跟女拍檔親熱的戲份，令不少女藝人聞「城」色變。而跟洪永城於《多功能老婆》演夫妻的朱晨麗，早前便呻爆拍該片時對方自行加摸錫戲，兼且次次都毫無預告，令她「嬲嬲豬」：「有一次突然錫落嚟，我都唔知點反應，如果唔係Roll緊機，我實推開佢。」另一次則自行加摸戲，朱朱直言拍戲時樣子好似好Enjoy，但心裏則在想：「摸夠未？！」
朱朱爆料不止一次，早前她與洪永城出席電台節目，亦兜口兜面指為跟對方拍一場咀戲擔心了很久，表示：「拍嗰時我擔心佢咀太耐，驚佢伸脷，怕佢情不自禁，你知佢幾大膽所以拍之前我有同監製陳寶華同佢三個有商量，咁寶華姐就下令洪永城，要點到即止囉！」當時Tony即時臉紅，並謂：「冇乜澄清，呢啲叫怕愈描愈黑。」
雖然表面好似冇乜嘢，但有指其實洪永城嬲到爆，更周圍跟人說朱晨麗「大嘴巴」令他形象受損，兩人關係跌至冰點！對於種種傳聞，洪泳城不想事件繼續發酵，只表示不作回應。
來源 source: http://hk.on.cc
|
鍾意就快D Share啦！
|
|
|
