羅力威8月做老竇：從此多雙筷
喜事一宗接一宗，前年結婚的雨僑和羅力威昨日亦宣布快將為人父母。預產期為今年8月的雨僑，在社交網上載夫婦做出心形手勢的合照，留言：「不知道小朋友會比較像爸爸還是媽媽呢？」羅力威亦在社交網發文：「呢個世界又多一個小生命喇，從此食飯多雙筷喇！霎時間感覺到天父創造嘅奇妙和天下媽媽們嘅偉大。終於到我們正式加入父母嘅行列。」他多謝小朋友給他們做父母的機會，不計較是仔是女：「請多多指教，你現階段作為一粒bb嚟講，絕對有責任要高抬貴手仔，我相信媽媽亦會好小心錫住你，唔食大辣。同媽咪好好相處知嗎，遲啲見，愛你。」
對於近日新冠肺炎疫情嚴重，他難免擔心：「好彩老婆呢段時間好堅強，我盡最大嘅能力照顧佢，幫忙處理家中大小事情，最緊要太太開心同平安健康。」他表示想為BB寫歌及歌頌媽媽的偉大，並說：「希望同佢可以好似朋友咁相處，親近多啲令佢開心成長，有個開心嘅童年。」
而準媽媽雨僑表示起初三個月有孕吐不適，口味亦變了無酸不歡，但沒有特別進補，因為幾乎所有補品也令她反胃。首次佗B，遇上疫情來勢洶洶，她說：「呢段時間冇乜出街，口罩、眼鏡、洗手都基本，老公會戴手套負責撳𨋢開門。依家最大分別係由老公煮飯，佢真係完全唔識，不過好努力，進步咗好多。」
來源 source: http://orientaldaily.on.cc
|
鍾意就快D Share啦！
|
|
|
