老婆早出晚歸幫客睇風水 Bob留家湊仔：似咬老軟
林盛斌（Bob）太太黃乙頣（Pearl）幫人睇風水愈來愈紅，Bob曾笑言可以退休等老婆養家。最近新冠肺炎疫情嚴峻，娛樂事業大受影響，反而更多人求神問卜望有轉機。
Bob今早就在社交網貼上老婆整妝準備外出的背影照，留言：「呢期大部份嘅工作，一係取消，一係延期，每日我嘅流程就係睇住幾隻嘢做功課同陪玩，反而佢日日就晨咁早出去幫客睇風水睇到夜晚先返。我覺得，呢期自己好似有少少咬老軟feel.......」。
Bob平日誇張搞笑，他這貼文卻觸動不少網民，紛紛認真留言給他正能量，「老軟都要有本事先食到，加油」、「幸福的咬老軟，看住小朋友都唔容易」、「或者從另一角度去諗，趁呢個時間檔放吓假， 之前佢哋放假去旅行，你都要做嘢～」、「咬老軟係一種福氣」、「分工合作，共度時艱」、「當比自己抖吓、充吓電！當一切平穩下來，再去搏殺！」、「互相扶持，有愛呀」等。
來源 source: http://hd.stheadline.com
|
鍾意就快D Share啦！
|
|
|
