肥媽愛犬SaSa生咗11隻狗仔。
藝人肥媽家有喜事，愛犬SaSa生咗11隻狗仔，不過過程相當驚險。話說當SaSa生完第十隻後，肥媽都話估計唔到佢會生咁多，連屋企毛巾都用盡，但肥媽發現原來SaSa仲未生完。結果等候期間，終於生埋第十一隻出嚟，不過生後發現狗仔冇呼吸、冇乜生命迹象，嚇得肥媽立即抱咗狗仔上身，幫狗仔做心外壓，肥媽全程表現得相緊張同心急，不停話：「醒啦，太耐嘞，快啲醒啦，乖啦。」期間更忍不住流淚，雖然按咗好耐但都未有反應，肥媽未有放棄不停壓。
過咗一段時間都未見有氣色，最後肥媽直接用口同狗仔做人工呼吸，肥媽表現得心急如焚再爆喊，，期間SaSa行近肥媽想睇吓個女，肥媽就好緊張咁話：「我救緊你個女呀。」整個過程相當緊張，好在皇天不負有心人，狗仔終於甦醒過嚟，肥媽見狗仔身體虛弱，即刻放入自己衫內取暖。
來源 source: http://hk.on.cc
|
鍾意就快D Share啦！
|
|
|
