38歲單身媽媽張栢芝親子至上，跟前夫謝霆鋒育有兩子謝振軒（Lucas）和謝振南（Quintus），前年再秘密誕孻仔「小王子」Marcus，生父身份神秘；日前讀國際學校的Quintus復課，栢芝親自去接細仔放學，之後到沙田開餐，同行還有一名中年阿叔，讀者伍女士邀兩母子集郵，透過「爆相爆片」大讚栢芝友善兼Quintus好有家教，一行三人好溫馨。
伍女士接受電話訪問表示：「大約近12時，喺沙田新城市廣場見到張栢芝食緊嘢，小朋友個樣好似霆鋒，對面有個男人，我鼓起勇氣行埋去問小朋友：『你要唔要貼紙呀？』有一堆畀佢揀，小朋友揀咗兩張，我話：『咁開心要影相。』，因為我企喺餐廳外面，隔住一堵牆仔，栢芝同小朋友講：『你唔可以要婆婆烏低身就你，你要出嚟雙手接過婆婆嘅貼紙。』我聽到好感動。」
從讀者提供相片所見，栢芝戴回口罩後，跟細仔Quintus走出餐廳與讀者合照，伍女士大讚：「栢芝好友善，我啲朋友個個排隊搵佢集郵，佢都逐個影相；有樣仲好笑，我初初問佢小朋友係Quintus定Lucas？佢話『我都要諗一諗，生得太多嘞。』」
而跟栢芝同行的阿叔，坐在兩母子對面，伍女士說：「栢芝同男人冇親熱舉動，之後佢哋行去對面店舖買嘢，冇拖手冇攬腰，但感覺幾似一家人。」據知，阿叔是栢芝司機。
當日栢芝亦有在限時動態貼短片，但片中司機就被消失，只聽到栢芝說：「放咗學食lunch，我好肚餓，暈喇。」「你同婆婆影張相啦，你要企起身，唔可以要婆婆就你。」
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
