咁都有遺傳？ 柏豪囡囡瞓覺托下巴
男神周柏豪在父親節抱住「前世情人」芯悅入懷慶祝，他說：「囡囡除咗係上世情人，今世都係，我覺得自己就係囡囡出世第一個佢愛嘅男人，成件事非常浪漫。」芯悅現已差不多7個月大，這7個月發生的事，柏豪一生也不會忘記，他說：「難忘嘅太多太多，囡囡畀我同屋企人嘅快樂、滿足感同成功感係無可代替，每日同太太睇住佢成長，一邊幻想佢將來模樣，一邊計劃畀佢最好嘅將來，感恩我哋能嘗到呢種幸福同幸運。」
柏豪又開心分享小秘密：「原來囡囡同我一樣，出世嘅時候主要係用左手，脾氣都一樣，連瞓覺姿勢都一樣，鍾意托住下巴瞓，依家我相信呢個世界有遺傳。」對囡囡他沒有甚麼宏大的期望，只希望她健康、快樂、知足及珍惜愛她的人，學懂感恩，還給女兒送上悄悄話：「爸爸嘅工作比較特殊，需要面對好多人同事，但爸爸會努力工作，與其做一個超級英雄，我寧願做一個好爸爸。」
來源 source: http://orientaldaily.on.cc
|
鍾意就快D Share啦！
|
|
|
