李樂詩（Joyce）為圈外老公Ted先後誕下三子，她以家庭為重，只是偶然出席公開活動，不過《蘋果》今日接獲讀者丘太電郵投訴，她聲稱兩夫妻租住Joyce深井東村一個村屋單位，其夫本周三凌晨往浴室洗澡，卻突然被牆身的兩塊磁磚剝落擊中受傷，丘太要求業主Joyce安排維修，及搬到酒店暫住，費用要Joyce支付，丘太不滿Joyce的助手回覆，指可安排他們到同區附近一個空置單位居住，以及遲遲未維修。
《蘋果》今日聯絡丘太，她表示去年9月開始，以簽下「一生一死」租約，每月支付13,000元租住Joyce那個村屋三樓連天台，丘太說：「我哋租咗8個月，有見呢排經濟差咗，上個月向Joyce提出減租，佢都肯減1,000蚊。我老公周三凌晨去廁所洗頭，牆身兩塊磁磚突然跌咗落嚟，佢頭皮同膊頭都受傷，碎片跌落嚟又彈到佢腳背，佢行出去時踩上冇裂磚上又割傷腳，搞到成腳血。」丘太聯絡Joyce要求維修及解決居住問題，雙方未有共識。
丘太強調其夫翌日有重要工作要處理，當晚受傷後未有立即看急症，她續說：「嗰晚先生先休息，周三佢返工，放工去咗中環報警，要求往驗傷，警方指事主不是叫救護車未能安排，所以當日5點幾，老公自己去咗仁濟醫院，醫生建議留院觀察，今日中午先出院，因為老公係公務員唔使畀錢出院。」丘太力斥Joyce至今未安排師傅往家中做維修，她說：「我哋要求入住600蚊以下酒店，佢又唔畀錢，話安排我哋住附近一間寮屋，我去睇過嗰度天花係變形，嗰度前身係豬欄，我哋拒絕咗冇去住。我哋都冇要求佢賠償湯藥費，但佢哋都唔去同我解決個問題，今晚我同老公已決定搬去酒店暫住。」直至今日下午3時許，丘太指Joyce未正視解決問題。
對於這單糾紛，《蘋果》今午向Joyce查問，她以英文短訊回覆：「當我知道住客在洗手間發生意外後，已立即尋求解決方法，我已立即安排咗師傅上門視察磁磚剝落情況同維修，亦願意提供另一個地方畀他們暫時居住，並不是沒有回覆，畢竟我要照顧三個孩子，會比較忙，但都同時好快去處理租客呢個問題。至於他們租住酒店的費用，我會claim番畀佢，同時維修問題亦解決好。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|