許志安手上戴有婚戒。
藝人許志安被爆背妻偷食黃心穎，事件成為全城熱話，之後他開記者會認錯，更自嘲「我係一個壞咗嘅人」，同時開始全面停工。「安心事件」後潛水14個月，今日許志安正式復工，為ViuTV節目錄影，見許志安精神不錯，手上戴有婚戒。
他表示：「經過呢段時間沉澱靜思反省學習，覺得自己成長咗好多，呢段時間係有困難嘅，而當我每次問自己起點係邊嘅時候，我都會好盡力咁向前望，今日覺得呢個係好好嘅時間出番嚟面對自己、社會同群眾，呢件事嘅發生令我喺未來日子，會行得更多，要重新出發，做好自己。呢段時間入面，我用咗好多時間陪屋企人，因為覺得屋企係最重要，同埋好好裝備自己，陪多啲屋企人，睇書做運動、鍛煉好自己，深深咁樣去諗下自己未來日子應該點行，今日係時候出嚟見大家，承擔番自己講過嘅嘢，畀自己年幾時間靜思己過，重新出發。」
許志安談及太太，一度眼濕濕，他表示：「佢同我講出嚟工作，要100% Ready好同真心，我一定100%比以前好，我見大家確實會有啲緊張，但我覺得都要承擔同埋出嚟面對將來。」
談到有沒有跟黃心穎聯絡？他謂：「冇，但我覺得對自己嚟講，呢個係錯誤嘅傷痕，每次見到都會警醒自己要做好自己。（有冇信心挽回事業？）會盡力！」
來源 source: http://hk.on.cc
|
鍾意就快D Share啦！
|
|
|