2020年6月15日星期一

新劇煞科回歸家庭享受湊仔樂　胡杏兒帶大仔去釣大頭蝦 #胡杏兒

新劇煞科回歸家庭享受湊仔樂　胡杏兒帶大仔去釣大頭蝦

上月中煞科的杏兒回歸家庭，享受湊仔樂。

現年40歲的胡杏兒去年7月為老公李乘德（Phil）誕下二子李奕霖（Ryan）後，一直專心湊仔做全職媽咪，至早前終於「復出」參演伍健雄監製的ViuTV外判製作劇集《熟女強人》，上月中煞科的她就於社交網晒舉V照，宣佈要回歸家庭湊仔了！由於疫情稍為緩和，夫婦倆近日都不時帶兩歲大仔李奕霆（Brendan）去郊外放電，繼之前去有機農場、餵草泥馬後，昨日趁天氣熱，他們便帶Brendan去觀塘室內釣蝦場，體驗釣大頭蝦，Phil於IG爆粗留言：「Brendan Lee is our very own shrimping expert. Yit Tin Jai Diao Ha Hau L*n Ser Lee.（Brendan係我哋嘅釣蝦專家。奕霆仔釣蝦好X犀利。）」相中，戴上口罩的Brendan坐在池邊一連認真地睇實支魚竿，好快便成功釣到4隻大頭蝦，仲同媽咪好威水地晒住戰績影合照，睇到咁大隻蝦，兩母子都擘大口嘩嘩聲！