現年36歲，2007年落選港姐張韋怡（Gogo）入行13年，雖然拍過逾百套劇集，不過每一次的角色都未見有發揮，而且多數飾演宮女、妓女、護士等小角色。不過在現實生活中，Gogo絕對是人生勝利組，皆因她在2014年與經營家族生意的有錢男友Michael Poon結婚，婚後誕下兒子Ashton，入住夫家位於九龍塘8,000呎獨立屋，屋內設有電梯，僱有5名傭人、兩個司機、一名私家看護，生活無憂。Gogo閒時與老公和囝囝出外旅行，又經常在社交網貼泳衣相曬身材，其後更獲老公打本8位數金額，在尖沙嘴開設錶行做生意，及在大陸開公關公司及影視公司，實在令人羨慕。
但豪門似乎總有恩怨，《蘋果》昨日收到讀者的報料，Gogo的姑仔在社交平台出post，鬧爆阿嫂的貪錢惡行、經常在社交網絡炫耀嫁給有錢富商，最重要的是，原來兩人根本沒有註冊，姑仔更指是「邪不能勝正」。她又在文中形容Gogo「貪慕虛榮，挑撥離間」，又說：「你做乜嘢都好，你唔會攞到甚麼着數，我一定會保護我屋企人，過去一年你喺不同嘅朋友圈，周圍散播妖言惑眾嘅謠言，真係忍無可忍、佛都有火，我要揭穿你嘅真面目，心地惡毒嗰個係你唔係我。」姑仔更大數Gogo貪錢：「開口埋口都係錢，全身手袋只有一個係真嘅，就係我哥哥送嘅手袋，貪錢嘅程度令人咋舌，你收手你心地太差，呢個就係你永遠坐唔正原因，簡單啲講，冇註冊，係有原因，日日家嘈屋閉喺度講錢，我哋全家都唔鍾意你，全家都被你鬧過，連老人家都唔放過。」
她還表示因為Gogo的關係，令兄妹的感情有變，變得家嘈屋閉，亦搞到爸爸「冇覺好瞓」：「炒咗一個照顧我們屋企8年嘅工人，工人亦係照顧得我爸爸最好的，但你為咗對付我，竟用盡辦法作故仔，逼我哥炒咗個工人，屈佢種種無中生有嘅罪名，同而家屈我嘅係一模一樣，然而新年到而家，佢老人家都未有工人，惡毒，經常用個仔威脅我哋全家人，郁啲就話攞個仔去一齊死，要帶走個仔之類。之前就同我扮friend，喺我面前扮可憐，話需要為個仔計劃將來，叫我同個老人家講，最後老人家畀1百萬現金給乖孫做教學基金，過咗一至兩個星期報紙就出現咗，張小姐過百萬報讀北京課程，鐵一般事實。」最後她說：「咁喺呢度可能大家都會清楚對錯，我只會回應一次，唔會好似啲人咁不斷周圍講，因為我覺得咁樣有失身份，仲有希望張小姐唔好再打住我哋屋企嘅牌頭做新聞，呢點我哋全家都好唔鍾意，你名不正言不順。最後我今日所講只係想畀佢知，我一直冇反擊，並不代表我好欺負，我以上所寫完全係事實，希望佢唔再搞事！」
翻查兩人的IG，早期的確見到姑嫂齊齊出席朋友的活動，不過近年這場面已經不復見，甚至連IG都沒有關注對方，其後《蘋果》向Gogo了解，對於姑仔的指控，她說：「我都要返去了解吓，不過我知道呢個妹妹都將我嘅經歷，copy咗去另一個阿嫂身上，呢個可能係屋企一啲其他原因嘅糾紛，我同我老公係同一陣線，甚至同二伯都係同一陣線，呢啲嘢始終係家事，多謝關心。」至於是否有註冊？Gogo則說：「我個仔而家5歲半，我哋對婚姻呢樣嘢點樣去處理，亦都唔需要同外間交代，無論係咪事實，又或者係咪香港法律上註冊抑或係法律上註冊，對我哋嚟講我哋係事實婚姻。」姑仔方面亦未有回覆。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|