湯洛雯向粉絲解答愛的疑惑，趁機晒定情手機殼。
「明湯戀」爆出後得到全城祝賀，正當大家都深深跌入湯洛雯（靚湯）同馬國明設計嘅愛的粉紅圈套時，有眼利網民發現，點解次次撞破佢哋兩個拍拖，大熱天時，靚湯都係着住長衫、長褲，唔係應該為大家帶來美腿？相信靚湯收到晒大家嘅疑問，好細心咁喺社交平台一次過解答，原來當中係有苦衷！
靚湯話最近呢幾個月都拍緊外景，差唔多咬到全身都係蚊爛，着多啲衫都係為咗遮住喺手腳上面嘅恐怖疤痕，唔想因為啲疤痕而嚇親大家，仲無奈反問︰「有哪個女生夏天不想穿裙子呢？」然後再Post出證據，大晒蚊爛相，Sad爆話依家啲蚊就連蚊怕水都唔驚！
睇怕男友馬國明見到一定好心痛，即刻呵番靚湯，轉個頭，靚湯已經心情大好，去扮靚靚整指甲，仲不經意咁洩蜜，成個KOL咁拎住部電話騷新甲色，見到電話殼一邊有隻駿駒寫「YOU」、而另一邊就有隻獨角獸寫住「ME」，講到呢到，大家都應該好心水清，知道靚湯鍾情獨角獸，咁「YOU」就即係代表馬國明，認真甜到爆！
來源 source: http://hk.on.cc
|
鍾意就快D Share啦！
|
|
|