53歲的前「小虎隊」成員林利兩年前患上直腸癌，生病期間幸得台灣女友，即現時太太陳貞均（Erin）悉心照顧，去年7月林利再婚成為「台灣女婿」，擲千萬台幣（約250萬港元）在內湖共築愛巢，不料武漢肺炎肆虐，令夫妻倆分隔港台兩地長達半年。
林利昨日在facebook透露岳父離世，留言：「始終是爸爸，雖然他對妳沒有養育之恩，但那份心情我明白的，香港工作處理後，馬上飛台北隔離，我心與你同在，太太撐住，岳父一路好走……」身在香港的林利，今日接受《蘋果》電話訪問時說：「佢爸爸喺父親節前走咗，係噚晚嘅事，佢應該支持得住嘅。但最重要係疫情影響，我哋有半年時間冇見，因為每次一飛就要隔離兩星期，但我喺中港都有嘢做，又要照顧媽媽，係幾難搞，我都好無奈。」
林利表示媽媽今年已經80多歲，由於請工人較麻煩，加上疫情關係工人都要時間隔離，這段時間都要由林利親自照顧母親，他說：「弟弟間中都有嚟幫手，但如果我去台灣太耐又係掛心，因為我同媽媽住得耐，生活上嘅點滴我比較清楚，佢記憶上比較差，但都好精靈。」他直言下月16日便是與太太結婚1周年紀念，所以一定要買機票返台灣，他說：「嚟緊有劇出，都要幫手做埋宣傳先，但月尾點都會搶機票返台灣𠱁老婆，聽講奔喪只需隔離7日，同埋佢（太太）把口話唔緊要，但始終係女仔，呢樣我知，佢好包容我，我哋係靠FB同微訊傳愛。」
----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
