2020年6月27日星期六

【好搶眼】著螢光粉紅泳衣山澗打卡索媽楊洛婷冒險派福利 #楊洛婷

【好搶眼】著螢光粉紅泳衣山澗打卡索媽楊洛婷冒險派福利

晒靚人靚景嘅楊洛婷，沿途要攀爬石頭先去到身處嘅雙鹿石澗，可惜只晒「影後」相。

39歲「索媽」楊洛婷(Rabeea)嫁咗畀樂隊Dear Jane主音Tim 6年，育有一女Tanya，成為幸福媽媽。兩年前兩公婆更為咗囡囡有更大空間，購入價值逾二千萬元的西貢豪宅，生活愜意。

難得Rabeea同Tim都熱愛行山，今年Tim生日前夕和楊洛婷撇下女兒，二人世界去行山。楊洛婷在社交網分享兩人在山上咀嘴的照片，好sweet。昨日Rabeea又去親近大目然，喺西貢雙鹿石澗打卡，並於社交網分享「影後」相，用英文留言：「徒步旅行和幸福相伴！」相中Rabeea身穿一件頭螢光粉紅泳衣，示範完美的背面身形。不過，因為見唔到33C火辣身材，唔少網民帶點失望要求睇正面，亦有人好滿足話係靚人靚景。

雙鹿石澗係山澗旅遊熱點，因為沿途要攀爬石頭先去到，非常險要，相中嘅四疊潭更水深四米，過往發生過唔少墮崖身亡意外，連行山專家都提醒話要好小心，Rabeea下次唔好咁激，冒險去嗰度游水喇！