葉建源等多名民主派議員批評多次去信葉劉淑儀都石沉大海。
研究幼稚園、中小學教科書及教材編製小組委員會開咗3次會都未選到主席，教育事務委員會主席葉劉淑儀就會喺下周一召開特別會議討論，但就引起民主派議員強烈不滿，連日嚟多次去信反對，但似乎冇得到任何回覆喎，佢哋今日(26日)又再發出聯署信要求葉劉解釋，但葉劉就話之後喺會上一次過回覆仲好
民主派13位議員今日再發出聯署信，提到話佢哋由17日至19日曾三度去信反對開特別會議，事隔一周都冇任何回覆，好似石沉大海咁，嚴正譴責呢種唔負責任嘅態度，仲話如果葉劉對自己言論有信心，大可以直接面對質疑，而唔係不斷迴避，要求對方可以喺下星期開會前畀到回應。
但葉劉就笑住話，其實收到唔止3封信，係6封呀，但佢就唔知泛民做乜嘢咁心急喎，又話佢作為主席，有權利決定幾時回覆，佢會同法律顧問傾，下周一(29日)開會先回應都得，咁仲好添呀，有晒會議紀錄咁話。
來源 source: http://hk.on.cc
|
鍾意就快D Share啦！
|
|
|