現年26歲的大台小花梁茵(Kiko)入行七年，在《愛．回家之愛心速遞》飾演「威龍潘金蓮」彈出，被封民封為「愛回家女神」，但近日網上瘋傳梁茵與一名黃XX的男子，捲入層壓式推銷金錢糾紛！《蘋果》接獲自稱是受害人A小姐(化名)爆料，指梁茵與某傳銷公司高層Marshal曾拍拖，梁茵是Marshal的下線，行內稱為「P仔」，A小姐經黃XX加入傳銷公司，被「呃呃o氹o氹」向財務公司借款$135,000，差點要自殺。
A小姐接受訪問表示，梁茵拉攏多人加入傳銷公司，當中介紹了黃XX加入，而A小姐與黃XX是中學舊同學，黃介紹她入公司，她說：「黃XX親口同我講，梁茵帶佢入嚟，但我冇見過梁茵。」第一日已經要支付$5,000入貨，之後再被叫買一張價值$62,569的大單，令A小姐泥足深陷：「佢哋知我冇錢，就搵個中介人幫我借錢，黃XX仲叫我借大啲條數，話開始時搵唔到客，都要生活費，最後問財仔借咗$135,000。」她提供了短訊對話，當中包括梁茵前男友Marshal、黃XX及兩名中介人，當時A小姐透露自己失業，但有中介人教她應對，最後成功向4間財務公司借貸。
A小姐透露自己是90後，人生經驗淺，收到大堆紅酒、面膜、精華等貨物後，又找不到新客開單便開始後悔，想退貨取回7折現金，才發現手上是過期單據。她哽咽說：「其實3個月內係有退單嘅權利，但佢(黃XX)畀咗張舊單我，過晒期係退唔到，唔係身邊人幫我處理就自殺咗，因為我孭唔到條債，10幾萬，屋企人又唔係有錢，精神壓力好大，差啲開窗跳樓。」有沒有報警？她說：「報警都冇用，大陸幾年前都拉晒啲頭目，但香港政府完全冇理過，希望社會重視。」
懷疑受騙後，A小姐加入了一個由苦主開設的telegram，裏面羅列好多梁茵疑做傳銷的「證據」，包括梁茵與前男友Marshal合照、參與傳銷活動相片，並流出兩張行內「計數」手寫名單，上面有「Kiko(演員)」名字。去年10月，黃XX在社交網多謝Kiko讓他一齊做生意，而「Leung Yan」回覆指二人經歷過創業的艱辛。
A小姐續說：「有一個聲稱係梁茵朋友嘅人，加入咗我哋個苦主telegram，將一段佢同梁茵嘅whatsapp對話截圖cap出嚟。」從內容可見，友人轉貼梁茵疑出席傳銷講座的相片，又指有多人受騙，惟梁茵否認有關指控。A小姐說：「聽講梁茵而家冇做，但呢個係層壓式推銷，按公司規矩，只要佢冇取消會籍，每年補番210蚊會費，都可以攞到佣金。」
由於梁茵捲入層壓式推銷金錢糾紛在FB和連登瘋傳，「梁茵Kiko Official Fan Club 國際粉絲聯盟」FB專頁，分別於6月1日及2日發聲明，澄清自己沒有加入傳銷公司，並指「唯（惟）恐有人借用本人身份去招搖撞騙，影響本人個人名聲。不排除有別有用心的人，借此製造不實消息，令本人喪失演藝工作的機會。」保留法律追究權利，但仍有大批網民洗版留言，指控梁茵是傳銷員，還列出獨立經銷商號。
梁茵今日回覆傳媒否認自己有做傳銷，她說：「我有向私隱專員公署求助，但唔涉及刑事案未獲處理，但已經報咗警。如果受害人真係因為我而有損失，點解唔報警求助，而係我去報警求助，呢點好奇怪。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|