【新增內容】
28歲前港姐冠軍麥明詩擁有會考10A銜頭，更是英國劍橋大學法律系畢業，學歷在大台藝人來說可謂超晒班，為了學以致用，去年底她放棄做大台親生女，改簽一年一騷「綠葉制」，並進入全球數一數二的顧問公司做國際商業顧問，重拾律師本行，當時有傳她月薪高達40萬。
不過麥明詩早前在《後生仔傾吓偈》第500集節目中，和主持陸浩明以視像電話傾偈時，澄清自己絕無40萬月薪，她說：「我要重申一次，而家收入係有大幅下降，去到呢份工先更明白咩叫為興趣同熱誠去做。同埋我而家好明白打工仔嘅辛苦，我每日要7點幾起身，坐足10幾個鐘，又冇時間做gym，真係好似生完BB坐月咁。」有消息指麥明詩現時月薪約4萬，比一般打工仔人工略高，但以工時和麥明詩本身的學歷來說，絕非超級筍工。
返璞歸真的麥明詩，日前被傳媒影到其上班族造型，只見她離開昔日璀璨演藝生活，OL打扮顯得十分樸素，當日她更做阿四為同事買凍飲，夠晒抵得諗。可是有指過了半年OL生涯，她開始嫌辦公室生活苦悶刻板，不及做藝人多姿多采兼容易搵快錢，更有指她打算食回頭草，3月中出席導演葉念琛的生日會時主動出擊，向在場的大台高層樂易玲提出想重返娘家拍劇做節目。對於打算重返大台，麥明詩回覆傳媒時透露希望專注現時事業，若然大台有朋友需要她，她亦願意出手幫忙。今日麥明詩在IG再以3點回應回巢一事。「1.沒有回巢想法，勤力返工嘅冇乜邊個唔辛苦，但係有付出先會有收穫，現時工作充實有意義。2.想繼續發展而家嘅專業事業，希望大家畀啲空間，盡量唔想影響到公司同埋同事。3.日日返工係唔會有時間扮靚，連頭髮都冇時間梳，批評打扮冇乜意義。」
|
鍾意就快D Share啦！
|
|
|
