三粒鐘兩個外賣客
香港爆發第三波武肺，為控制疫情，政府近日向食肆實施，晚市禁堂食，不少食店商戶因此叫苦連天，開食肆的藝人，同樣在疫情重創下，繼續咬緊牙關。
曾花盡積蓄，醫好患癌母親的大台藝員林秀怡，年前與朋友夾份在旺角開西餐廳，在晚市宵禁令開始當晚，本刊見她親自在店內打點外賣order，可惜在疫情失控，人心惶惶下，她的晚市外賣生意非常淡靜。
現場所見，由晚六開始，到近九點，三粒鐘只得兩單外賣，幾百元進帳，點為皮！
- 晚市禁堂食，秀怡的食肆外賣亦淡靜，全晚外賣客人，五隻手指數得晒。
- 如鄰家女孩的外型，形象易入屋。
寧生意寒冬安全為上
本刊之後以顧客身份在她店子買外賣，乘機跟秀怡傾兩句，面對令人心灰的生意額，屬小商戶的她難色擔心:「好驚！不過唔緊要，個個都係咁，都想大家留喺屋企安全啲。」疫情下，她沒埋怨:「畀我都寧願留喺屋企煮飯，都好嘅，起碼大家自律留喺屋企，我寧願生意差啲，安全要緊，希望疫情快點過。」晚市，對著全場「吉枱」的秀怡說。
- 體諒政府實施晚市宵禁令，只因秀怡取捨健康:「寧願生意差，都想大家安全至上。」希望她的店能捱過市道寒冬。
承擔不起網上外賣成本
問她何不加入網上外賣送貨服務，增加生意？「諗下先，因為好貴。」小本經營，一分一毫都度得清楚。她續說:「同埋我哋嘅意粉，送遠程的話，意粉汁會變乾，要即食先好食。」接近晚上九時，外賣仍冷清，她指一指枱上一排預備好的外賣盒，嘆了口氣:「仲摺定啲pizza盒喺度，冇人嗌外賣，瀨嘢！」
全晚收入一字頭
為縮減開支，樓面到廚房，夜更同事由原本五個，現減為三個，包括她本人在內。到打烊收舖，全晚生意得五單，生意額一字頭，只得千多元，真係燈油火蠟都唔夠畀。「唔知點算，唉！」，灰完，秀怡好快收拾心情:「若持續係咁，同拍檔商量，索性停做晚市，好好利用呢啲時間研發新菜式。」- 今年三月，疫情爆發初期，忙著午市的她不忘做好消毒功夫，讓客人安心。
單親女打慣逆境波
只有廿九歲的她，打慣逆境波，懂得以正面態度抗逆。自少父母離異，與媽咪在天水圍公屋相依為命，十多歲她就開始賺錢養家，前年媽咪患上癌病，她一個承擔醫藥費。入行前做過接線生、超市收銀員、在大台12年的演員生涯，收入微薄，故邊拍劇，邊兼職做過侍應幫補家計，又曾在網上賣避孕套，拚命搵錢。年前把一點積蓄，與朋友夾份開餐廳，最近同時經營網店，賣美容產品，好鬼勤力。
- 單親的她，與母親同住天水圍公屋，前年母親患癌，她陪著作戰，還一力承擔數十萬醫藥費。可幸母親已康復，讓她放下心頭大石。
- 在大台12年，曾經她兼職做侍應幫補家計。近年同樣身兼數職，演員，經營食肆及開網店。
曾九個月冇工開
原本生意不俗的餐廳，是她的後路，豈料今年初爆發疫情至今，主力收入的餐廳反成負擔。加上去年中，足足九個月在大台冇工開，秀怡曾在廳餐邊做邊說:「好擔心(公司)唔要我，到時候我就要喺呢度(餐廳)洗碗。」不過永遠柳暗花明又一村！等了大半年，最近她終在大台「復工」，主力做節目主持，都係講句:「希望在明天嘛！」
- 演技穩打穩紮的秀怡，去年拍完《婚姻合伙人》，足足九個月冇工開，收入靠餐廳及兼職幫襯。
無懼白色恐怖 黎智英劉細良開講抗港版国安法
立即收看ChannelNEXT《人民學堂》
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|