苦等13年推出首支單曲 駱振偉拍MV獲老婆力撐
駱振偉（Thor）為人認識，多是ViuTV節目主持身份，直至近期在ViuTV音樂節目《Chill Club》中因為當主持同時又不時演繹別人的歌廣受好評，才陸續有人記起。Thor其實是2007年參與一個歌唱比賽，並獲得金咪大獎以歌手身份入行。不過遺憾是，13年來Thor無緣入錄音室擁有自己的歌曲；到最近才終獲得機會推出首支個人單曲《成熟•不了》，Thor更獲老婆力撐陪拍MV。
新歌《成熟•不了》獲得《Chill Club》中的theChill Club Band及梁栢堅的加持，包攬曲詞編監的工作，令Thor藉新歌唱出入行多年的心聲。第一次當主角，Thor自然份外緊張，所以與導演構思如何拍攝MV時，也思前想後。Thor說：「都有諗過拍個故仔，搵其他人幫手，但大家覺得我未試過係整個Project嘅主角，今次應該出多啲鏡，於是導演好有心機，用咗一個最真誠嘅方法，簡單地拍一個MV畀觀眾欣賞。」Thor一直以為拍MV好舒服，但因為邊拍邊唱了《成熟•不了》多遍，再加上演出時眼神又要很堅定十分用神，Thor在現場才真正體會到拍攝MV會有多累，不過他十分享受這次的全新體驗。
對於首次成為主角，Thor坦言有壓力，同時也感到受寵若驚，他說：「入行十幾年，時間唔長亦唔短，但鏡頭長期對住我嘅機會不多，所以一Roll機，我係Feel到緊張、有壓力，因為唔單只首歌係屬於我咁簡單，喺我身邊仲有咁多人為我做嘢，嗰一刻我內心只係識得不停『嘩！嘩！嘩！』，實在好感激大家幫我完成MV。」為了答謝大家，Thor拍攝當日就請經理人幫忙買飲品慰勞工作人員，而向來甚少前來探班的丹麥籍太太Katrine，拍攝當日亦有現身為Thor打氣，令Thor十分感動，他說：「我做嘢一向好專心，唔鍾意人打擾我，所以老婆好少嚟現場探班，但嗰日佢都話嚟睇下我，好難得。」
除了主持人與演員的身份外，如今Thor更成為了歌手，在競爭激烈的樂壇裏，Thor了解到只有唱出水準才能過關，所以即使近日看到有網民批評他的唱功，他也照單全收，並說：「我都知自己有不足之處，會努力改善，唱好每一首歌，感動每一個聽眾。」
|
鍾意就快D Share啦！
|
|
|
