一七年港姐亞軍何依婷，有傳得到無綫高層樂易玲對佢另眼相看，早喺參選港姐時，樂小姐已經點名讚賞！入咗無綫後，樂小姐更覺得佢大有潛質，仲彈支好籌畀佢上，喺早前劇集《機場特警》，派佢演出港女KOL，劇中大騷身材，兼同楊明有火辣親熱戲，令佢成功出位。
得到高層加持，何依婷前途無可限量；而入行短短三年，佢就已經揸架車價約廿萬嘅Benz代步，於是畀人話「炫富」。早前，東姑就發現，家住深水埗舊樓嘅佢，所住大廈連停車場都冇，佢惟有每次都將架車交畀附近嘅車房仔，幫佢代客泊車。睇嚟，揸靚車但係住唔起靚樓，對佢呢啲靚女小花都幾唔方便吓。
東姑更加發現，何依婷架靚車嘅內籠，擺設有鄉土味極濃嘅小飾物之外，車內仲有多支酒精搓手液、盒裝紙巾、羽絨外套等等，似係注重防疫，又非常怕凍，啲「中女」品味及style滲晒出嚟。睇唔出佢廿六歲後生遙遙，竟相當「婆仔」吓！
被指鍾意「炫富」嘅何依婷，駕駛一架車價約廿多萬嘅舊款Benz代步。
原本喺律師樓做嘢嘅何依婷，何媽媽覺得乖女好有條件，於是鼓勵女兒參選港姐。
來源 source: http://eastweek.my-magazine.me
|
鍾意就快D Share啦！
|
|
|
