【有病容】等足四日才入院 鄧達智面腫腫精神較前差
62歲時裝設計師鄧達智（William）上周五（24號）初步確診新冠肺炎，因為公立醫院牀位不足，他只能留守元朗屏山村家中隔離，等咗4日3夜，直至噚晚10點由救護車送入觀塘聯合醫院。昨晚黑色裝扮，戴上口罩嘅鄧達智帶住隨身物品，自行步上白車，無需救護人員協助，但上半截面帶點浮腫，從眼神可見，精神比日前略差。
他接受本報訪問時表示，抵院後，由兩名醫護人員陪同上病房，幸好被安排入住一間雙人房，房內唔會有太多病人。因為上到病房經已係晚上11點幾，暫未見到醫生，不過有護士為他做抽血、量血壓、探熱等基本檢測，搞到冇得瞓，兼且之前一晚瞓得唔好，頭重重，聲沙沙，有兩聲咳，有少少唔舒服，狀況係比前差咗啲嘅，但一切等今朝見醫生再算，眼前最重要係瞓返個靚覺。不過他喺醫院陌生環境似乎瞓唔着，直至清晨六時WhatsApp仍在上線中。
來源 source: http://hd.stheadline.com
|
鍾意就快D Share啦！
|
|
|
