【新增回應】
59歲劉少君昨日由白車送入伊利沙伯醫院，直至晚上近11時初步確診武漢肺炎，今日是入院第二天，劉少君在病榻上接受《蘋果》電話訪問，憑聲音聽到他的中氣不錯：「ok，一切正常，噚日照咗肺、抽咗血，做埋心電圖，而家等結果。」
劉少君表示暫時未有唔舒服：「都係少少咳，醫生係女人，佢解釋得好詳細，話呢啲病毒入咗身體繁殖得好快，喺一個禮拜裏面最重要睇吓點治到。」他指自己沒有發燒，亦沒有出現麥德羅的氣喘及血壓高問題：「一切正常。」問到是否可以放心些？他說：「都唔係嘅，原來呢隻病治療方法有三種，一種食藥，一種打針，一種唔知乜嘢，我問咗醫生，醫生話我用打針比較好啲，大概兩個星期可以好番，正常人要打7支針，隔日打一支，我唔使，打5支得啦。」
問到是否入住4人病房？劉少君笑說：「原本兩個人，而家得我一個，可能醫院待我好啲。」他並提供在病房的相片，戴上口罩的他手握拳頭，為自己打氣。最後他再叮囑記者：「最緊要寫唔好歧視病患者，歧視、責罵令病患冇自信，唔係咁好。」之後劉少君再透過短訊回覆：「今天非常感動，有班很久未見朋友都慰問我，其中兩三位女性朋友為我而哭，搞到我是開心還是…其中一女藝人程芷渝，她也在珠海隔離中為我而泣，真無言感謝！」
武漢肺炎爆出第三波，日前麥德羅、其女友Apple姐、歌手施匡翹和宣傳人員阿佳中招，而過往14日當中，劉少君有7日跟麥德羅一同游水、唱歌，他亦有感自己已中招，不過前日他在家等了一整天，並沒有白車送他入院，故在昨日自行call白車送院檢驗，初步確診武漢肺炎。
劉少君是無綫第八期藝員訓練班學員，與湯鎮業、廖啟智、景黛音、周秀蘭等人為同學，曾參與拍攝劇集有《真情》、《笑傲江湖》、《陀槍師姐II》等。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|