由蔡思韵、劉俊謙主演、《十年》導演周冠威執導的新作《幻愛》，跟《叔．叔》、《金都》被稱為高先電影公司發行的三寶。事實上在戲院因為疫情暫停營業之前，《幻愛》氣勢極盛，一下子衝破800萬元票房。相信戲院重開後，極有機會挑戰過千萬票房。電影受歡迎，連帶片中的拍攝地點，都成影迷打卡的景點，包括湖景邨、屯門碼頭燈塔、海濱長廊、輕鐵蝴蝶站。特別是輕鐵出現最多。不過有戲迷走火入魔，竟然冒生命危險，跳落輕鐵軌為求拍照。
在fb「文人多說話」專頁，有網民貼出一張少女在輕鐵軌的照片，連同留言「下一個景點nice weather！原來屯門輕鐵可以咁靚#我不介意…你呢……」從照片所見相信連拍攝者在內，有二人犯險跳落月台。當中hashtag「我不介意」正正是《幻愛》的宣傳口號。不少網民直斥少女玩命「佢睇陰陽路咪要跳樓」、「藍地啲輕鐵好快，等睇肉餅」、「玩命去影……」，有清醒的網民就話「擅入路軌會俾人告㗎」。
對於有戲迷因為打卡而冒險，《幻愛》女主角蔡思韵今日接受《蘋果》訪問時，呼籲戲迷要珍惜生命，她說︰「大家咁捧場當然開心啦，去景點打卡影相可以，但唔值得冒生命危險；尤其現時疫情嚴峻，應該減少外出。等戲院開返入場睇多幾次以作支持，但用呢種方法，就絕對唔贊成，支持同鍾意套戲有好多方法，絕對唔值得冒生命危險。」男主角劉俊謙都話多謝大家對支持，在網上見到很多觀眾到《幻愛》景點打卡，但他懇請戲迷打卡拍照時要注意安全，他說︰「不要做出危險動作，一定要以生命安危為先！加上現在疫情肆虐，所以暫時也不要到多人的地方聚集。代疫情放緩，我們團隊必定會再和大家見面，請各位朋友先好好保重身體啊。」
《幻愛》戲迷為了打卡以身犯險的情況，已經不是第一次發生。楊千嬅、余文樂主演，彭浩翔導演的《志明與春嬌》中，位於九龍灣偉業街的天橋，因為造型獨突，被戲迷稱為「志明橋」，更是瘋狂打卡景點。不少fans為求有最佳視覺，不惜危坐橋邊雙腳伸出橋外影相，一不小心很易產生意外。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|