生日快樂！藝人楊秀惠榮升為人母，早前又自爆網店營業額超過一億港元，家庭事業兩得意，生咗囡囡果然好腳頭！今日係呢位女強人36歲生日，尋日喺家鄉馬來西亞新 ...
藝人楊秀惠榮升為人母，早前又自爆網店營業額超過一億港元，家庭事業兩得意，生咗囡囡果然好腳頭！今日係呢位女強人36歲生日，尋日喺家鄉馬來西亞新山舉行生日會，與丁子朗傳緋聞嘅華姐林宣妤特意由吉隆坡穿州過省為佢慶生，仲送咗紮花畀壽星女，認真夠老友！而無法出席嘅好姊妹岑杏賢，亦有視像越洋送祝福。
楊秀惠分享當日嘅相片到社交網，見將戶外布置滿粉紅色氣球，做咗人母依然有顆少女心。而今年最特別當然係有囡囡陪佢度過，難怪佢冧爆留言：「我的小寶貝，你就是媽媽最棒的生日禮物，媽媽愛妳﹗每次見到她的笑容心都會融化。」有女萬事足呀！
