【新冠肺炎】持續發燒血壓高 麥德羅呼吸困難：打咗針冇咁辛苦
61歲麥德羅與女友劉麗萍（Apple姐）前日（18日）確診感染新冠病毒，二人分別於沙田威爾斯醫院隔離病房及伊利沙伯醫院隔離病房接受治療。昨日感呼吸困難的麥羅德，今日終於再腔交代情況，聲音顯得氣喘疲憊，狀況仍不太理想。
麥德羅說：「依家忽冷忽熱發燒，每日都食退燒丸，仲有我血壓高到180，要食埋減壓丸，頭超痛，喉嚨…個口好寡，都瞓好多，希望聽日好啲，總之今日都未好返晒，但噚日打咗支針，令我冇咳得咁多。」他續謂：「噚日呼吸好困難，多謝醫生同我打咗支針，隔日要打，噚日第一次，打咗支針冇咁辛苦，多謝大家關，我會努力㗎啦，加油。」
Apple姐入院以來無論精神聲線都健康得多，說：「多謝大家關心，仍喺伊院隔離病房，好彩冇咩唔舒服，冇發燒冇咳病徵乜都冇，個人都係精精神神。醫院都好好，每日同我檢驗，因我身體裏面含菌（病毒）量有時少有時多啲，所以醫生都需要觀察，依家暫時未需要用藥住，希望大家冇事，個個平平安安。」
來源 source: http://hd.stheadline.com
|
鍾意就快D Share啦！
|
|
|
