施匡翹（Zaina）確診武漢肺炎，成為娛圈第一人中招，曾於上周四訪問她的新城DJ林子謙，今日在社交網透露要入隔離營：「雖然入面無冷氣，無電視。但可以係一個機會寫個好劇本，睇吓書，整理下慈善協會啲文件，如無意外 30號凌晨出返黎，大家不用擔心。我很好！這是一個人生體驗。同時，請不要再對那些中了病毒的人講啲難聽說話。佢哋都唔想的。」
林子謙接受《蘋果》電話訪問表示，上星期四同施匡翹做節目，大家冇戴口罩：「因為要做live出鏡，我哋幾個都冇戴口罩，Zaina檢試係 postive，所以列我為親密接觸者，我喺星期日交咗樣本，但未有消息，我當good new住先，因為佢話要48-72小時先有結果。」
問到有否擔心中招？他說：「平常心，隨緣，屋企人有少少擔心，自己冇任何唔舒服。」由於要隔離14日，他帶了一大堆書和電腦解悶，除咗他之外，還有一個新城控制員都要入隔離營，「裏面環境ok，都有幾多人照顧，但冇冷氣，因為未入伙，好在有電視，原本姑娘話冇電視。好似睇樓嘅清水房，冇地板，牆白色，一張床一張櫈一張枱，床褥就薄啲，有張食物餐單，好似學校abc餐，仲有生活包，裏面有牙刷、洗頭液、熱水壼...仲有個whatsapp電話，有乜需要就用電話聯絡佢哋。」
而曾跟施匡翹出席活動新歌發佈會的謝高晉，雖然報告呈陰性，但都要入隔離營，他在電話說：「噚日衞生署打電話畀我，叫我呢一兩日預備入隔離營，我都執好嘢，帶啲健身嘢入去做運動，仲會帶部琴入去增值自己，希望健康出嚟同大家見面。」
樂隊Canband成員阿希因為接觸過宣傳人員阿佳，所以都要接受病毒檢測，身在瑪嘉烈醫院的他今日回覆《蘋果》時說：「已經檢測咗兩次，兩次都是呈陰性反應，而家等緊衞生署決定我是否需要入隔離營或直接出院，多謝關心。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
