唔知幾時先可以再出嚟食呢？
新冠肺炎疫情肆虐，政府日前宣布明天起開始全面禁堂食，不少藝人隨即上載舊相，懷緬「飯敍」溫馨場面！而陳庭欣（Toby）今午約3時許，偕同男友楊振源及一名同行少年，現身一間泰式餐廳，趕及搭上「尾班車」，作短期內最後一次堂食。
Toby與男友並排而坐，即使進食期間亦禁不住拖手放閃。3人原本相當relax，不過當發現記者在場，楊振源即與少年離座，獨剩Toby埋單及等候菲傭拿外賣盒到場幫手打包，臨離去前Toby亦有向記者禮貌打招呼。
事後，Toby受訪表示：「有時都想出街食吓嘢，但又唔想太多人，咪揀呢個時間囉。（男友驚到走咗？）哎吔，本來仲想叫甜品，搞到我冇得食添。（正餐都打包？）係我哋食唔晒，想環保啲咪拎走囉，可以分兩餐食，依家有時叫外賣都好難，攞走肚餓時再整熱食。」
Toby坦言「禁堂食」令她相當矛盾：「防疫好緊要，不過我都有啲朋友做食肆，佢哋真係怨聲載道，覺得難以為生，希望疫情快啲過去啦。」
來源 source: http://hk.on.cc
|
鍾意就快D Share啦！
|
|
|
