【戲內鬥到戲外】互射要害鬥槍法 龔嘉欣終與黎耀祥合作已無憾
黎耀祥（祥仔）、陳豪、龔嘉欣及李佳芯等主演的無線劇《殺手》，自開播以來贏盡收視和口碑，其中飾演「閻武」的祥仔與「Dark Angel」龔嘉欣更有不少埋身肉搏戲份，二人每次交手總是難分難解。早前龔嘉欣就向祥仔「挑機」，參與競技射擊運動，大鬥槍法，實行由戲內鬥到戲外！
當日，祥仔與龔嘉欣透過三個回合作比併，首個回合要互射對方肖像測試眼界，在比試前，祥仔盡顯紳士風度，他表示：「嘉欣，你想我開槍打你邊度？」嘉欣聞言即打趣道：「打我最大嘅地方⋯⋯我對眼。」不過，祥仔似乎眼界麻麻，未有打中嘉欣的指定目標，相反龔嘉欣卻「Dark Angel」上身，槍槍打中祥仔肖像要害，完勝首回合。
之後二人鬥快上彈開槍射靶，劇中曾是頂級殺手的祥仔，身手、速度當然有番咁上下，輕鬆力壓龔嘉欣勝出，扳回一局。到決勝回合，祥仔與龔嘉欣要鬥快跑到槍前換彈夾再射擊目標，雖然祥仔由跑到換彈夾均一直領先，但卻遭龔嘉欣後來居上爆冷勝出；祥仔最終須接受大懲罰，當成龔嘉欣的活靶任射唔嬲。
事後，祥仔與龔嘉欣透露首次參與競技射擊運動，大讚刺激、好玩，祥仔笑言：「見啲靶被打到瞓低晒，感覺到同靶之間有交流，所以玩呢個活動好有滿足感，加上揸起槍好有型，自己從來未試過咁有型。」至於爆冷獲勝的龔嘉欣自言有遠視，她說：「沒有想過會贏，平時掟飛鏢都唔會掟中個靶，以為玩競技射擊運動對女仔會難啲，但原來一啲都唔難。」
提到在《殺手》中首次合作，祥仔與嘉欣即互笠「高帽」，龔嘉欣表示：「如果在退休前，未跟祥哥（黎耀祥）合作到的話，絕對是遺憾。開頭未認識祥哥，以為對方好Cool，但合作過程發覺祥哥好照顧後輩，而且仲好專業，記得有場戲祥哥拍到身水身汗、膝頭都腫晒，我就等埋位食緊薯條，見祥哥一句怨言都冇，坐埋一邊飲水，印象好深刻。」祥仔也大讚嘉欣是他眼見之中最搏命的女演員，在拍攝過程中鮮有用替身，令他非常佩服。
|
鍾意就快D Share啦！
|
|
|
