薛凱琪（Fiona）2003年加入樂壇，由華納唱片一手捧紅，事隔7年回巢娘家，兼推出頭炮廣東歌《南昌街王子》，日前她接受《1圈圈 星光背後》訪問，Fiona回應前年約滿黃柏高（Paco）太陽娛樂之後，先後有傳麥浚龍（Juno）、古天樂均曾以天價力邀過檔，她說：「係有傾過其他公司，但報道所講嘅人，唔係我講，同埋因為而家簽咗約，要尊重華納，之前傾過邊間公司，我亦唔會講。簽返華納，係因為我們合作過，唔使裝飾啲咩，佢哋亦了解我最想盡快出歌。」
當年過檔太陽娛樂之後，重心轉移返大陸拍戲，她承認曾被歌迷投訴：「喺太陽出歌少咗，只係因為我對出歌有要求。太陽唔同華納係有開拍電影，呢樣唔可以比較，好難揀我鍾意電影定音樂多啲，我係一個多元化工作狂，拍戲多咗當然會有歌迷投訴，但我人只得一個，只係想帶快樂畀大家。」
提到感情世界，Fiona表示從少就有寫日記習慣，年少時活在童話世界，一直夢想有白馬王子出現：「我18歲就幻想過自己30歲前會結婚，我拍過4次拖，好彩冇同嗰啲人一齊，當然曾經俾人呃過，但點樣呃就唔講喇！而家嘅擇偶條件，唔使靚仔，外表可愛識搞笑就夠。」方大同、房祖名這兩位前緋聞男友都符合條件？Fiona笑說：「佢哋只係我嘅好閨密。你知唔知，我呢啲有幾珍貴同罕有。做人最緊要有希望，對感情都係，呢啲就係吸引力法則。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
