2020年7月9日星期四

耳膜發炎抱病開工粉絲擔心單身曾樂彤：有冇人照顧你？

傳同游學修手已分，Fans關心病到冇晒神嘅曾樂彤冇人照顧。

26歲英皇小花曾樂彤呢期運氣真係麻麻地，除咗傳同游學修分咗手，最近忙於開工拍攝ViuTV新劇《熟女強人》，點知耳膜發炎，要帶病上陣。昨日她在社交網Post咗張飲茶相，留言：「好虛好虛，訓瞓極都係眼訓瞓，瞓到半夜仲會出汗。本身打算睇中醫調理吓，點知耳膜發炎要食消炎藥，明明已經有做運動排吓毒，好頭痛，大家都要小心身體！」

相中見她夾住個應該係最愛吃嘅叉燒包，但雙目無神，似乎因病失去食慾，成個人落晒形。網民叮囑她喺疫情下要小心身體，有建議她搵中醫調理，還有粉絲關心地留言：「彤彤！真係好擔心你！有冇人照顧你？」