樂隊RubberBand（RB）今日在九展擔任由趙學而、羅敏莊和駱振偉主持的ViuTV音樂節目《Chill Club》嘉賓，6號表示超過3、4年沒有亮相電視台的音樂節目。
提到疫情爆發第三波，羅敏莊指影響到7歲女兒陳禛：「佢而家放暑假，原本今日佢要上烹飪班，但而家取消咗，佢喊咁口，好失望，所以我要解釋返畀佢聽。」她指這個疫情令很多人有心理壓力，經常懷疑自己作病。問到有否影響工作？她說：「阿邦（老公陳國邦）好受影響，佢已經好耐冇開工，為咗套劇留鬚留到而家，因為唔知幾時可以開工，我就好好彩，《Chill Club》只係cut咗觀眾，同埋好彩我哋有積蓄。」
另一方面，政府昨日將防疫措施加辣，收緊限聚令為不多於4人聚集，禁止食肆晚上6時後至翌晨5時設堂食，阿偉有份投資的食肆，早前在疫情中擴展第3間分店，阿偉說：「各行各業都好難去生存，餐廳當然好難其實我哋做音樂，已經好多個月冇演出，所以惟有講大家要堅持、加油！」6號表示：「大家都面對手停口停，所以要諗辦法。」
泥鯭表示已錄好最新專輯，原定4月有個騷，但因爆發武漢肺炎疫情的關係，要一再推遲，希望11月能夠成事。提到「港區國安法」實施，會否影響創作？泥鯭說：「唔會，歷史話畀我哋聽，最艱難、最多事發生嘅時候，嗰啲人嘅創意先係最勁。」另外，泥鯭對於早前被發現陪黃心穎帶唐狗睇獸醫，他即說：「我哋留返想用呢啲宣傳自己嘅人去宣傳，我唔會用呢啲宣傳。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|