可惜…
現年61歲嘅「綠葉王」艾威與太太Lisa極為恩愛，2014年其妻因子宮位置有腫瘤，他不惜豪花近百萬積蓄為太太醫病兼捐肝救妻，遺憾共度患難過後卻不能共餘生，二人18年婚姻觸礁，更已分居各自生活。
婚後二人未有子女，僅兩年前二人共同收養一隻伯恩山狗仔Sashimi，當作兒子看待。但艾威卻被發現數月前賣掉西貢愛巢，帶着愛犬搬遷新居，而Lisa就遷至港島居住。
有指身邊朋友亦察覺艾威夫婦已有大半年冇一同出席聚會，問及艾威，佢語帶憔悴表示分開是因為二人睇法唔同，做法亦唔一樣，又透露曾長時間努力維繫，可惜事與願違，似乎分開係對嘅做法。
再翻查艾威社交網，佢更多次轉發關於情淡、緣散、放手等字眼嘅文章，並留言如放、離、斷等字，令人不禁聯想二人感情出現問題。
來源 source: http://hk.on.cc
|
鍾意就快D Share啦！
|
|
|