Wow，影后係厲害！
金像獎影后、大陸女星周冬雨今年5月被揭疑暗撻私人英文教練，點知鏡頭一轉，佢近日就被大陸傳媒拍得與男閨蜜兼富二代唐培彥現身嘅畫面，女方大方拎起男方頂帽戴，舉止十分親密。
據爆料稱，周冬雨同唐培彥現身上海商場，唐培彥為周冬雨開門之餘，又一齊去睇戲，晚上11點左右，兩人同車去酒吧與同事匯合，一直玩到第二日凌晨，周冬雨先同唐培彥與助理從酒吧走人直返酒店，周、唐二人前後腳入電梯，更齊齊上樓過夜。今日更有周冬雨同學發聲疑似否認二人戀情：「我也是同學，我也在旁邊啊，喂！我差的是那一頭紅髮嗎？我差的是？」
網友就起底指，唐培彥早前以「大學同學」嘅身份同「幫忙打理」嘅名義加入周冬雨工作室，唐培彥之前就被影到過手搭周冬雨肩、撫摸臉龐，拍女方個肚等親密動作，二人更有近十年交情。
來源 source: http://hk.on.cc
|
鍾意就快D Share啦！
|
|
|