張智霖同袁詠儀結婚19年，是圈中出名的「模範夫妻」。為氹老婆，Chilam一向出手闊綽，閒閒地幾十萬買一個包包，從不手軟。早前，有網友保守估計，Chilam多年來買包包送俾靚靚，花費超過2,000萬。對於買過幾多個手袋氹老婆，Chilam表示：「真係計唔到喎！買到個人都馴晒！」
話口未完！日前又見靚靚拖住老公出動行名店Valentino。入到舖頭，靚靚如忘記Chilam的存在，只顧跟售貨員一邊傾，一邊揀。
陪得老婆shopping，Chilam預咗被忽略，唯有自己坐埋一邊篤電話。用了半小時，地氈式搜索一輪後，靚靚扑槌買了一個新款紅色手袋，盛惠$19800。離開時，靚靚拎住袋戰利品，笑得不知幾開心！
撐警變「藍神」
今年2月， Chilam出席「警星飯聚」，同謝sir合照流出，之後就由「男神」變做「藍神」！加上疫情關係，大部分工作要剎停，近半年甚少見到Chilam公開活動露面，日前他與靚靚去shopping時向記者表示：「唉！好掛住你哋！」
今年4月，靚靚返內地拍攝劇集《盛裝》，當她抵達上海時，要馬上隔離14日。之後有網友發現，靚靚一坐完「疫監」，第一時間跑去Hermes掃貨, 網友仲話見到靚靚一口氣買了6個包包，16件衫，認真誇張！不過，事後靚靚即澄清：「不可能有6個包，都是小錢包！」，還叫網友唔好誇張，否則「不能入家門」！雖然係咁，但網友封她做「買包狂魔」，就絕對冇誇張！
拖老公出動掃貨
已經拍完劇返港的靚靚，日前又拖埋Chilam出動，但今次並不是幫襯Hermes， 而是另一名店Valentino。見到靚靚大駕光臨，店舖內的售貨員當然熱情招呼，三個招呼她一個，更拿了一大堆新款包包，任她挑選。揀下揀下，靚靚開始忘形，同售貨員雞啄唔斷，Chilam完全被忽略。明知陪女人shopping，是一場耐力賽，所以Chilam索性搵個位坐低，慢慢等。最後用足半粒鐘，靚靚就扑槌買了一個紅色包包，盛惠$19800！
「橙盒子」忠實擁躉
不過，這個價錢，相比起靚靚手袋庫的其他珍藏，簡直冰山一角！眾所周知，靚靚是「橙盒子」的忠實粉絲，就連生日知其喜好的朋友都送上Hermes蛋糕。幾乎該品牌所有款式的包包，她都有收藏，而且大部份是有錢都未必買到的限量版。除了經典的Birkin 、Kelly 、Lindy、Toolbox 、Licol外，靚靚還有多不勝數，用來襯衫的Clutch。
其中一款鱷魚皮Constance，靚靚就收藏了兩個，一個黑色、一個紅色，炒價約40萬一個。另外一款，是白色Mini Bolide bag，約$39000。而她經常拿著的黑色Mini Kelly，約$60000。至於日前靚靚同Chilam拍拖時，亦帶了一個黑色Kelly 25，約$70000。
收藏限量版包包
除此之外，靚靚更收藏了不少無價寶，包括限量水桶包包，還有Petit H家品活動時，所推出的限量設計袋。不過，最誇張應該是Kelly Picnic bag。16年，Chilam在拍賣會用高價買入，送給靚靚的生日禮物，當時炒價高達63萬。難怪Chilam都搞笑話：「有時聽到個牌子名，個心都會寒一寒。」
Chilam笑指自己似人質
之前更有網友估計Chilam多年來買包包送給靚靚，花費近2,000萬。對於曾經買過幾多手袋送給老婆，Chilam表示：「真係計唔到喎，唔知呢，買到個人都馴晒，知唔知有斯德哥爾摩症後群，即係有賊綁架咗啲人，而嗰啲人同個賊傾偈，仲慢慢認同左個賊。我咪就係個人質囉，買得多就會覺得買袋係啱數嘅！」幽自己一默， Chilam果然懂得化解夫妻的磨擦位。----------------------------
守住新聞自由 和你撐計劃每月$300起撐《壹》仔
按此了解更多
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|