艾威日前驚爆跟結婚18年、曾歷盡患難的太太Lisa結束夫妻關係，消息傳出後，有不少圈中人都大感驚訝。暫時回復單身的艾威，早前應好友苑瓊丹邀請，錄影香港開電視節目《開工大吉77》 ，雖然節目中艾威未有提及分居一事及婚變一事，反而是大談不少自己剛入行時的點滴。
艾威於節目內透露自己真名為「徐威信」，說到藝名的由來，他表示是聽從恩師關海山的建議：「 蝦叔（關海山）係我師傅，佢話我個名唔太似戲行啲人，所以叫我改名，我改『艾威』係因為『艾』字相對西化，『威』字就好剛猛。當時入行有人教我搵個師傅做榜樣，跟住佢做就走少啲冤枉路，所以我就拜師學藝喇。」他又指圈中有三位前輩是令自己佩服，他們就是關海山、 盧海鵬及羅嘉良，艾威指他們三人都是用心去記台詞，而不會「念口簧」。
早已視演員為終身職業的艾威，坦言自己也會貪心想當主角：「你會覺得主角嘅戲先有血有肉，綠葉當然好重要，但係都想參與大劇、大電影，但你知道自己嘅定位，唔會有突破，甚至有製作人同我講，佢哋曾經向高層推薦我去一定位置，但被高層否決。」重提當年過檔香港開電視，艾威表示當年未有談及薪酬問題就已答應過檔，他說：「以前唔走係因為冇第二個台之嘛，咁梗係走人哋以為我演出經驗豐富，其實就唔係嘅，因為咁多年都係『下靶位』！」他又指離開無綫後機會及收入都比以前多：「以前我連遊戲節目都未試過，而家做過旅遊節目主持、做過主角、出書做作者等等，而家疫情我咪拍吓短視頻，亦準備再寫書，咩都試吓。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|