謝嘉怡（左）奪得冠軍，陳楨怡奪得亞軍，郭柏妍則奪得季軍。
《2020香港小姐競選》三甲誕生，冠軍為8號謝嘉怡、亞軍為2號陳楨怡、季軍為4號郭柏妍。謝嘉怡是今屆唯一一個海外佳麗，她由藝人肥媽提名參選，被網民讚她是近年最靚的混血佳麗。成為出爐港姐的謝嘉怡，甫封后即發生蝦碌事，除了后冠被戴到歪埋一邊，更一度想滑落，及後她於繞場一周時，行到台邊欲落台離開，司儀鄭裕玲見狀即提醒她返回寶座位置。
幾位出爐港姐於比賽結束後，即接受《#後生仔傾吓偈》訪問。冠軍謝嘉怡被問到「繞場一周」時走出螢光幕，令主持鄭裕玲大叫她「返嚟」，她靦覥說：「因為我冇諗過有機會攞冠軍，所以當初冇聽清楚佢講，冠軍應該行到去邊。」令全場爆笑。她用「感嘆號」來形容自己的得獎心情：「因為真係估唔到。」
謝嘉怡自言參選港姐以來，每晚只睡兩、三小時，未來會努力學好廣東話，放多些時間於娛樂圈發展，又自爆要多謝爸爸，她說：「由細到大係佢成日鼓勵我嘅港姐。我起初唔係好想（報名），最尾就想喇，今次我返嚟，都係想學點樣寫（中文）字。」她又坦誠有興趣拍戲及劇，但首要條件是要廣東話有進步。
亞軍陳楨怡參賽期間可謂「由頭帶到落尾」，最終只能屈居亞軍，她表示：「（賽果）冇話好唔好，我諗我笑容可以再甜美啲。由開live大家話我唔識笑，好似被迫參賽咁，依家已經進步好多。」她表示日後希望各方面多作嘗試，又打趣希望一口氣飲十杯珍珠奶茶「放鬆」。
來源 source: http://hk.on.cc
|
鍾意就快D Share啦！
|
|
|
