近兩年學習塔羅牌轉型占卜搵食的艾美琦（Amy），今日和契媽黃夏蕙在土瓜灣食店為客人占卜。香港連月受武漢肺炎疫情影響，令Amy網上生意激增，主力幫客人占算愛情和事業解開心結。她有已離開香港往東南亞發展，但為自己占卜結果卻顯示留在香港更好。
Amy為夏蕙姨占卜到有爭仔情況，夏蕙姨爆84歲老公潘炳烈因疫情關係，北上需隔離，故近月不能到大陸揼骨按摩，令她被邪花騷擾：「呢幾個月老公完全返唔到去，見冇得幫襯，個女人就死纏爛打我，話我唔畀老公上去，又喺網上誣蔑我，話我死咗，又打嚟騷擾我，我都好驚，叫Amy幫我睇吓邪花幾時先完，去唔到唔可以遷怒於我。」
夏蕙姨透露自己在網上被邪花攻擊，將她的相片醜化，叫人用來辟邪，她對老公充滿信心：「老公鍾意去咪由佢去，就係佢冇去，人哋先打嚟騷擾我。我問過老公咩一回事，佢話冇嘢。」至於老公平時去揼邪骨還是正骨？夏蕙姨說：「同我去就正面，邪嗰啲我就唔知，我對老公有信心，畢竟佢都年紀大，幾十歲啦，但仲好有吸引力，唔係點會有邪花埋身？」Amy幫夏蕙姨戴粉紅色水晶化解邪花。
Amy除了為自己占卜，亦為香港占卜開牌，結果指8月至9月正常，10月下旬開始有隱憂，不一定疫情，或許經濟民生會有影響，12月要更加小心。近年愛上占卜的Amy有意搞上樓舖搞開塔羅牌占卜，夏蕙姨樂意打本幫助。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
