冧到要大嗌「Love You！」
藝人楊怡今年4月為老公羅仲謙誕下囡囡小珍珠，今日仲係佢41歲正日生日，羅仲謙當然有陪到實老婆啦，因為羅仲謙自己都係前日（28日）36歲生日呀，今年二人多咗小珍珠陪，自然更加有意義！
楊怡上載二人同蛋糕合照，個蛋糕都好靚，上面有大大粒鑽石！見楊怡素顏上陣好精神，眼仔睩睩咁攬住氣球影相，仲要係老公視角，梗係寧舍甜，而佢都為羅仲謙影迷人側面，唔使企埋一齊都感受到佢哋幾咁煙韌，楊怡開心留言：「Happy birthday to my hubby & me 😘😘😘特別的一年❤️特別的時刻❤️，簡單的幸福，願我們的都身體健康❤️永遠開心Love u」
謙謙接受東網訪問表示：「我開緊工，冇向劇組（劇集《兒科醫生》）請假，但咁啱兩日都有得休息，所以好開心，可以留喺屋企食餐飯、切蛋榚同湊吓B。（有乜生日願望？）疫情過、小朋友快高長大、大家都身體健康、順順利利啦。（有乜驚喜畀阿怡？）我喺屋企，咪係最大嘅驚喜囉。（真係親自下廚？）都係交畀外母，佢嘅蔥油雞真係冇得頂，生日要食雞呀。」
談到剛開始為《兒》劇開工，他表示暫以群戲及「巡房戲」居多：「不過日日成班人開工，我同鄭嘉穎、周家怡及張寶兒相處得真係好開心，大家好投緣。」
來源 source: http://hk.on.cc
|
鍾意就快D Share啦！
|
|
|
