2020年8月30日星期日

【男人鬧交】王貽興斥消費死者冇家教林作反擊對方係小人專抽水 #林作

【男人鬧交】王貽興斥消費死者冇家教林作反擊對方係小人專抽水

林作與王貽興隔空罵戰，戰況好激烈。

即使轉投保險業界，一向語不驚人誓不休的林作仍不忘博取關注，早前的「4萬5西裝論」已經引起網民聲討。昨日林作又在個人社交平台發表出位言論，引用電影《黑豹》男主角Chadwick Boseman的死訊賣保險，表示：「45歲就大腸癌過身。疾病無從預測。一定要早啲check。check之前，記得搵林作保險。」貼文發佈後，馬上引來大量網民不滿，指責他消費死者。林作堅稱自己冇做錯與網民引發罵戰。連王貽興亦睇唔過眼加入「戰團」，斥責林作消費死者行銷冇道德底線，又指他冇家教，丟晒令壽堂架。

王貽興鬧得咁狠，林作今日即在社交網站連出兩posts還擊，直斥王貽興抽水，又指數年前已被對方將私人對話內容擺上網，炮轟他是小人！他又寫道：「最不要得的是，佢最新攻擊我的post裡面一個hashtag講到聽聞我媽媽借財仔俾錢我溝女，呢種毫無事實根據嘅言論，其實對我而言唔叫誹謗中傷我真係唔知係咩。我保留一切追究權利，雖然學我老母話齋：識佢老鼠（媽媽私底下真實對白）。」又引用網友inbox message，暗指王貽興寫文能力一般。雙方火藥味十足，未知這場「爆料戰」會持續多久呢？