人生如一場籃球賽，每場比賽都會因外界或自己狀態而影響賽果，又或者因教練編配而坐在後備席，但若果抱着永不言敗精神，懷着不斷自我鍛煉態度，當機會一到便能好好把握發揮。今年樂壇新人謝高晉，同時間也是香港甲一籃球員，雖然說是今年新人，但他經已入行7年，多年來也默默在娛樂圈不同界別奮鬥，吸取經驗之餘，也磨練鬥志向目標進發。
今年初加盟新經理人公司後，老闆讓他接受新挑戰，特別邀請舒文執筆填詞及編監謝高晉的處男歌曲《仲夏日記》。謝高晉對音樂有興趣，以往試過膽粗粗打上電台節目唱《童話》，結果換來主持人啤梨評為似唱「冬瓜」。愛接受挑戰的他，在身兼唱歌老師的經理人特訓三個月後，邁出踏入錄音室的第一步，他指幸得舒老闆悉心指導，令他錄音時獲益良多。
新歌講述人生在家庭、愛情及事業等都會遇到分水嶺，當選擇過後便不要輕易放棄。在他的人生中，他指16歲那年正正遇到分水嶺，當年代表香港籃球隊出外比賽，在一次右腳腳腕受傷後，便對起跳動作產生陰影。恰巧有朋友提議他擔任模特兒工作，又遇上機會跟鍾少雄導演到大陸參演古裝劇《俠客行》。返港後又接拍了處男電影作《同班同學》、《大師兄》及《反黑》等。
在演藝事業上漸漸有起色時，前年卻跟前經理人公司發生問題，因而提前解約。回復自由身的他，收到澳門職業籃球隊澳門戰狼的邀請函，令一度放棄籃球比賽的他，決定完成兒時夢想打職業籃球隊，於是短時間內自我加強特訓，他說：「上年我停晒所有演藝工作，只係接拍咗《反黑》，當時香港、澳門兩邊走，每朝去澳門練波至下午，練完就坐車返香港拍夜班戲，到凌晨4點又坐車去澳門練波，開始時覺得好攰，但感覺好充實，又完成到夢想。」
行過的演藝路並非一帆風順，性格正面的謝高晉覺得反而是鍛煉，因為演戲及唱歌便是要給角色及歌詞賦予生命，能夠將人生經歷加入去才令作品更有共鳴。他覺得演藝事業是一份可以做到80歲的工作，所以沒有規限自己若果到某歲數還沒有成績便放棄，他說：「香港市場細，機會係比較少，加上我高度都限制角色選擇，但世界咁大，可以到台灣或內地發展，其他地方都有機會，主要係睇你有幾熱愛，我就係好鍾意，好努力去做好。」去年他更參加內地真人騷《我要打籃球》，他希望帶出一個訊息，香港有好多運動員在畢業後便被迫退休，甚少機會能繼續運動員生涯，他想多些人關注。
身為家中孻子，他感激家人無論是他想當運動員或藝人的決定都給予支持，他說：「佢哋成日會問『阿仔夠唔夠錢使，你咁耐先有一套戲』，但好開心佢哋肯畀我做我想做嘅工作，而唔係為咗賺好多錢而埋沒良心去做。」憶述首部電影《同班同學》是三級片，他笑指當時家人得知的第一個反應是質疑他有沒有受騙，朋友們也笑他拍鹹片，但沒有打擊到，他說：「雖然要裸露，但部戲係想講援交問題，最後更到東京電影節參賽，我覺得為藝術去做係應該。」
早前因師姐施匡翹、經理人及宣傳人員先後確診，令他也收到衞生署要求進入隔離營，他說：「嗰段時間幾過癮，撞啱出新歌，已經安排好多宣傳，但又收到電話入隔離營，當刻都有啲不知所措，應該帶啲乜入去，好彩我個琴師又係要入去，佢叫我帶埋琴，然後一齊視像練歌，幫我加強音樂節奏感。」隔離經歷令他更明白珍惜的重要，因為今日不知明日事，要盡量把握眼前機會。
入行第七年，謝高晉被問到在演藝界的目標是甚麼？他毫不猶疑便說：「希望有一部電影可以喺金像獎典禮上領獎，因為新演員時經驗比較少，只知道大概程序，但點去運用表情、動作演繹就好少，要再去磨練。」現時大部份作品都局限在學生哥的陽光角色，他希望有機會挑戰演內心戲角色，如梁朝偉的《癲佬正傳》或荷李活的《小丑Joker》，這樣可以令觀眾見到的反差感更大。
場地：力天世紀
髮型：Jessie Lam @ Anchor Barbershop
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
