「發哥」周潤日前行生被野生捕獲，忍唔住狠批政府早前的「全日禁堂食」措施，苦了一班勞動階層。而做生意的陳潔玲和袁彌明亦不好過，每個月蝕住做，陳潔玲今日向《蘋果》透露由5月申請政府第二輪「保就業」防疫資助基金，至今仍未收到款項，投訴無門。
陳潔玲開了兩間party room，第一輪的防疫資助基金不包括在內，而第二輪至今仍未收到錢，她說：「本來每間有4萬蚊資助，但到今日都未收到錢，中間打過好多次電話去查詢，但每次都係得到錄音機式嘅答覆，就係冇答案，熱線人員叫我send email去政府度，但都係冇任何回覆，我都想知可以點去處理。當政府叫我哋停業時，第一時間我哋要停業，但我哋唔識得變魔術，我哋唔可以無啦啦去變啲錢出嚟，應付一啲日常嘅支出，同埋交租，佢個抗疫基金，唔明點解5月到依家都係音訊全無，我呢個位係有啲進退失據。」疫情下，她的舖頭由年初至今只開了兩個月，唯有在其他網店生意賺錢，彌補party room的損失。
開設生活百貨公司的袁彌明則狂轟政府無能，未能善用公帑助巿民共度難關，她說：「講到抗疫，政府由始至終做得最差係唔肯封關，年初時一早如封關就唔會有咁多case，而家每個國家都好揸得好緊，只係畀國民返自己國家，咁樣先有效地控制到疫情。」政府的保就業計劃也不周詳，袁彌明續說：「保就業啲錢派咗出去，係咪全數可以用喺員工身上呢，令人覺得係可以保到飯碗，但可惜冇飯喺裏邊。」袁彌明批評政府派錢給超巿卻要它們減價給優惠，此舉未能真正幫助弱勢社群，她建議：「政府大可以派消費券，或者甚至直接錢畀弱勢社群，咁樣先真正幫到佢哋。政府嘅保就業計劃做得幾好，同時都要做好失業救濟，咁先可互補。政府最好係要直接回水畀巿民，我哋以前一直交咁多稅，最想唔好景時，政府可以扶助巿民一把，而咪叫超巿減價最好係直接派錢入落巿民個袋，唔理佢係弱勢社群，定係有需要嘅人，咪畀一筆錢你，鍾意點使就點使囉。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|