停低車買支水，可能只需要短短幾分鐘，但沒想到葉佩雯（Grace）就在這5分鐘內，被一個手執鉸剪的鬍鬚男騷擾3次之多，幸好醒目的她及時鎖上車門，否則後果可能不堪設想。
Grace昨日在IG中上載了一短被手執鉸剪的鬍鬚男騷擾片段，並留言指自己當時正在等待去了買水的老公Eric Kowk，雖然只短短5分鐘時間，但就有個拿着鉸剪的鬍鬚男走近她的車，拍打車門示意她要將車駛走，而且更來回拍足3次之多，Grace指因該鬍鬚男拿着鉸剪及一直看着自己的愛犬菠蘿，所以令她覺得「真係好驚」。而從Grace所拍的影片中，看到當時她的車正泊在灣仔譚臣道，片中有一名身穿短袖衫褲及拖鞋、喝着檸檬茶的鬍鬚男一直看着她的車，之後該男更走近Grace的車，然後用手敲打車窗兩次，繼而將檸檬茶放在車的側鏡上，嚇得Grace馬上大叫「做乜嘢呀你？」當他放低檸檬茶時，亦可清楚看到他手上拿着鉸剪。該男放低檸檬茶後就轉身離開，但仍不時回頭望向Grace，而Grace亦呼籲大家若經過該處要小心。
Grace今日回覆《蘋果》時仍猶有餘悸，她多次講到「其實我好驚」，她指昨日由老公Eric揸車去到灣仔，在Eric落車買水時被該男子騷擾，先後3次敲她的車窗，Grace憶述事發經過：「佢係咁敲我車門嘅玻璃窗，開頭唔知佢噏乜嘢，有一刻我想打開窗，但我見佢拉低咗口罩、仲要目露凶光，我隔住窗問佢咩事，佢就鬧我，話呢度佢嘅要我走，我都好奇怪究竟咩事呢。」
Grace指該男子第一次走近時，已即時鎖上車門，否則後果難料：「佢第一次行開時，我見佢手拎住把鉸剪，嗰刻當堂嚇親，佢拎住鉸剪究竟係想做乜嘢呢？佢其實係近到貼住塊玻璃，當時我好驚，我唔敢影佢，因為我唔知佢想點。同埋佢係咁望住我架車，我就抱住我隻狗菠蘿，我係咁望住佢。」該男子先後3次走近，受驚的Grace只好即刻打給老公求救。
而Grace上載的片段，就是等待老公回來時偷拍：「條片其實我都係偷拍，我都好驚，如果對住佢拍會刺激到佢，我唔夠膽正視佢。但就因為有拍，所以你會見到把鉸剪。」據Grace的觀察，該男子一直都有拿着鉸剪，背囊就放在港鐵站口，Eric趕到時男子正準備離開。由於Grace相當驚慌，兩人決定立刻開車離開，Grace最後仍相當不安重申：「佢眼神係好嚇人，真係好彩第一時間有鎖門，我又抱住隻狗，真係唔知可以點算。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|