- 【61歲失婚難過】艾威爆苑瓊丹係佢「債主」:欠佢嗰餐到失婚都未食到
- 1小時前
日前被爆曾與妻共度患難，但最終都選擇結束18年婚姻的艾威，早前接受好友苑瓊丹邀請，亮相香港開電視《開工大吉77》，艾威就話苑仔是自己「債主」，因此隨傳隨到做訪問：「上年有一件事佢幫咗我大忙，我話要請佢食飯答謝，點知唔夠佢快手爭埋單，搞到人情債越滾越大，所以佢話搵我做嘉賓即刻答應。」
事後艾威話，欠苑仔一餐飯，是因工作上苑仔幫他解決一個難題。另一個欠他的人情，就真的跟「人情」有關。原來18年前艾威結婚，有工作在身的苑仔，雖然不能抽空出席婚宴，但仍不忘送上「人情」， 婚後艾威一直話要約她到其西貢愛巢BBQ相聚當補數，點知事隔18年，到他婚姻觸礁，愛巢賣掉都未食到那餐補數的「人情」飯。
節目中艾威自爆真名原叫「徐威信」，因為星途向師傅關海山請教：「蝦叔佢係我師傅，佢話我個名唔太似戲行啲人，所以叫我改名，我改『艾威』，係因為『艾』字相對西化，『威』字就好剛猛。當時入行有人教我搵個師傅做榜樣，跟住佢做就走少啲冤枉路，所以我就拜師學藝喇。」
- 艾威以「債主」形容苑仔，原來欠的只是一兩餐人情飯。
- 當年舊同學王維基挖角，他說未傾條件，就九秒九答應過檔，離開工作了33年的TVB。
- 因相處問題，數月前與太太Lisa結束18年婚姻，61歲的艾威與對方都感傷痛。
艾威說演員是他終身職業，但發展到某階段，這位綠葉王開始發主角夢：「人可能係貪心，你會覺得主角嘅戲先有血有肉，綠葉當然好重要，但係都想參與大劇、大電影，但你知道自己嘅定位，唔會有突破，甚至有製作人同我講，佢地曾經向高層推薦我去一定位置，但被高層否決。」
早年艾威被舊同學王維基邀請加盟港視，離開服務33年的TVB，他說：「有次校友會聚會，佢話會開電視台，問我過唔過去幫手，我都未傾錢即刻話『過！』，以前唔走係因為冇第二個台之嘛，咁梗係走人地以為我演出經驗豐富，其實就唔係嘅，因為咁多年都係『下靶位』！」雖然港視最後開台不成，但至少在港視劇《三面形醫》及之後一套電影《我們停戰吧》當過男一。
艾威亦透露離開後，搵錢比以前多，更多機會參演幕前的崗位：「以前我連遊戲節目都未試過，依家做過旅遊節目主持、做過主角、出書做作者等等，依家疫情我咪拍吓短視頻，亦準備再寫書，咩都試吓。」
----------------------------
守住新聞自由 和你撐計劃每月$300起撐《壹》仔
按此了解更多
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|