武漢肺炎上月在香港爆發第三波，政府為免疫情進一步惡化而推出2人限聚令。不過連日來疫情開始有緩和迹象，令到不少人鬆懈，將防疫意識統統抛諸腦後！
《蘋果》讀者李先生，透過「爆相爆片」報料，指日前在銅鑼灣捕獲余德丞，當時同行還有兩個男友人，看見他們一身運動裝束，似乎是剛剛做完運動，本來朋友見面並非甚麼出奇的事，但他們3人懶理2人限聚令，齊齊在cafe門外的長凳開餐，而且進食後更沒有戴回口罩！讀者李先生說：「嗰陣我啱啱對面買咖啡，見到余德丞同啲friend坐咗喺度，3個人都冇戴口罩，食完啲嘢只係擺咗喺身邊，嗰陣余德丞坐喺度猛撳電話，佢身邊嗰兩個朋友就喺度傾偈，余德丞久唔久就遞個電話畀啲friend睇，雖然嗰陣銅鑼灣都人多車多，好多人行過都眼望望，但係余德丞都冇理，繼續坐同繼續玩！」其後李先生買完咖啡離開，仍然見到余德丞與友人吹水，未見有離開意思。
曾經因為踢波昏倒被送入ICU，最後走出鬼門關的余德丞，在疫情期間出入時都做足準備，不敢鬆懈，《蘋果》曾經在銅鑼灣見到余德丞，當時他響應政府呼籲，減少人群接觸，即使可以堂食，但仍然選擇外賣，甚至數夠零錢給店員免卻找續，可能今次因為與朋友太耐沒有見面，一時興奮而忘記了在任何時間都要做足防疫措施。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|