Baby演技又成為網民焦點！
女星Angelababy（楊穎）雖然人靚但演技一直受到質疑，最近佢就特別出演大陸劇《摩天大樓》，即時引來網民熱烈討論，上埋熱搜榜！事關第一集佢就喊到梨花帶雨，之後又連場喊戲，結果又成為大家焦點，而「Angelababy哭戲」已有4.4億次閱讀，7.2萬個討論！
唔少網民話佢個「微笑嘴」太出戲，唔理係幾悲傷嘅情節，都好似畀人笑住喊嘅感覺「根本邊笑邊哭」，有種情緒被抽離嘅出戲感，仲批評：「哪個正經演員不會哭戲，就這？」、「真的別演了，尬死了！」、「尷尬的熱搜！」
不過都有人為佢抱不平，話佢從小到大都係微笑嘴，攻擊佢呢點就對佢唔公平！亦有好多網民大讚佢演技有進步：「感覺這個還不錯呀，我要準備追劇了！」、「看得出來Angelababy一直在努力提高自己的演技！」、「愈來愈優秀了！」
而劇組就喺社交網上載幕後花絮，公開Baby「沉浸在書中有感而發地哭」、「情緒激動歇斯底里地哭」、「委屈難過點點流淚」及「低聲啜泣」片段，同樣引起兩極評價！
來源 source: http://hk.on.cc
|
鍾意就快D Share啦！
|
|
|
