2020年8月20日星期四

【獲王梓軒力撐】拍性感MV上咗癮王君馨要自薦做導演 #王君馨 #王梓軒

【獲王梓軒力撐】拍性感MV上咗癮王君馨要自薦做導演

王梓軒越洋撐Grace出新歌。

王君馨(Grace)自資6位數，親自作曲、填詞，歌曲，講述結婚新歌《Casada》，君馨喺MV入面着泳裝演出，大派福利，MV推出至今點擊已逾30萬。作為老友嘅王梓軒越洋支持，與她聯手開IG直播，君馨話：「因為黃昏好短暫，一路roll機、一路跳緊舞、咪緊嘴，攝影師亦會畀好多direction，比如『呢度要more shoulder』、『頭髮再flip一次』、『眼神再電我多啲』，側邊啲人睇你拍MV以為你痴咗線，真係人都癲呀！如果時間許可，我可以再tune多少少眼神同咪嘴，咪嘴時嘴部動作要誇張啲。」拍完呢個MV，王君馨發覺自己對拍攝MV真係有好大拍攝興趣！嚟緊有可能試吓做MV導演，梓軒一於支持到底。

五年前，兩人曾合作歌曲《隱型》，梓軒首次為君馨produce，梓軒質疑話：「當年我哋搵你把聲嘅時候，你慣咗好girly，把聲好高好尖，但唱呢首歌時，你咬字清楚又有型。」君馨解畫說：「因為今次唱出嚟想要有一把舒服嘅聲線、好似平時同老公傾偈咁，或者同老公撒嬌嘅時候，相對拍戲容易搵聲，因為唔同嘅角色會用唔同嘅聲線，但唱歌要慢慢去浸、去搵一個屬於自己嘅聲音。」