2020年8月28日星期五

【想成家立室】同女藝人保持距離　吳業坤下定決心唔再傳緋聞 #吳業坤

【想成家立室】同女藝人保持距離　吳業坤下定決心唔再傳緋聞

坤哥緋聞對象好廣，由家燕姐到Aka（趙慧珊）。

吳業坤（坤哥）日前作客TVB娛樂新聞台節目《StarTalk》，接受主播許文軒（Edmond）專訪，大談轉會推出新歌《原始心態》感受。坤哥說：「今次首歌錄咗8日，係有史以來錄得最耐，錄咁耐絕對係我自己嘅問題，不過監製舒文都有問題，因為佢太精益求精，成句錄咗一個鐘，不過咁樣係好事，因為可以提高水準，但搞到我有少少覺得自己唔識唱歌。」對於坤哥的原始心態，他表示是唱歌，但舉行完第一次紅館演唱會之後有動搖過，「當時支持者少咗，View數又少咗，好似做咩都錯，打錯字又話我扮嘢，成日俾人捉錯處，搞到自己好驚，為咗避開呢啲事發生，都少咗玩社交平台，寧願唔做唔錯，慢慢自己就有啲收埋，其實咁樣行唔通，應該要學識唔使咁介懷。」

談到入行10年緋聞多多，連薛家燕和馬海倫都成為緋聞對象，坤哥否認屬漁翁撒網，他說：「同前輩有啲千絲萬縷係開心，因為佢哋好好，好玩得，先至出現呢啲咁得意嘅場面。我以前唔避忌，留個言、訪問講過一句、甚至唱次Cover就惹緋聞，𠵱家我下咗決心唔好再有緋聞出現，因為真係好煩同驚咗！好似之前拍《迷》，第一日舉行記者會，費事傳緋聞，所以我同賴慰玲行到好遠，電話號碼都冇拎。（問到入行後有冇認真拍過拖？）如果話冇你信唔信？真係冇呀！哈哈哈！緋聞嚟㗎！我都想成家立室，但我想大家放下鏡頭前嘅我，希望對象唔好受緋聞同報道影響咁去認識我。」