62歲設計鄧達智（Ｗiliam）早前確診感染武漢肺炎，經過多日在醫院負氣壓房醫治後，今日終於康復出院。傍晚時由同性伴侶陳梓欣到醫院接他，返回元朗的家中休息。
晚上約七時左右，鄧達智由陳梓欣揸車，到達元朗鄧氏祖祠，其間他更下車搬雪糕筒，看來精神好好，之後更叫記者幫手影張兩人合照留念，鄧達智出院心情好，「 雖然我而家有抗體冇病毒，可以拎走口罩都唔驚，但費事引起公眾恐慌啦。我起碼隔離一個星期， 釋除人哋嘅疑慮， 因為有抗體就表示自己冇事， 但一般人唔係咁樣諗， 反正我都係喺屋企做嘢，可以靜靜地工作。」他指和伴侶分開了兩個星期，現時會互相照顧，由對方煮飯。
鄧達智之後講返過去幾日的經歷，又指病房其它病友都好辛苦，「我都ok ，住院就到時到候驗血壓、溫度好多嘢驗，都預咗，唔會影響到我瞓唔到覺， 加上我注射咗針藥之後就不斷發燒發冷，有四日都模模糊糊，隻藥嘅副作用好犀利！ 過咗幾日停藥，今日就話我冇事就得啦。」對外界有人質疑他好快出院，鄧達智解釋：「 醫生話我無病徵感染， 冇武肺炎冇咳，除咗發燒之外， 正常唔會知道自己有問題， 但我覺得有責任自己要小心啲， 所以自己去檢驗咗先， 保障自己， 雖然年紀唔係好大攞唔到命，但去到咳嘅時候就會好辛苦， 因為見到房間其他病人都好辛苦。」本身是醫生的陳梓欣則表示不太擔心，在病中互相鼓勵，「都知道隻藥嘅副作用係咁，捱過去就OK。」之後兩人在車尾拎了三大袋住院衣物等回家，更食榴槤做晚餐慶祝回家。
鄧達智早前疑在新城群組感染武漢肺炎，成為無病徵的確診者。他留院多日康復，今早終於獲醫院通知檢驗冇病毒，身體亦已出有抗體，早上十點得悉可出院，醫生簽紙後，須等衞生防疫中心簽發類似解除令的文件，他指自己一直呆等七小時，仍未收到文件，「 知到佢地好忙，但啲床位好珍貴，我早啲出院，可以留俾下一個病人住。」終等到下午五時，才收到署方文件，由伴侶接回家休息。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|
