確診武肺的61歲麥德羅日前出院後，急不及待相約曾染疫並康復出院的劉少君茶聚。他當時拍片報平安說：「好耐冇歎過茶，今日同老友記互相問好，好似生離死別咁。」劉少君則說：「病毒周圍都會有，我哋只要注意衛生，就一定可以將佢（病毒）擊破。」
好一句「病毒周圍都會有」，二人一出院就去飲茶，的確有「播毒」之嫌，被網民圍剿。
麥德羅今日終於拍片公開道歉：「先同所有網民、讀者講聲對唔住，因為今日睇完報紙都好唔開心，噚日朝頭早應約同劉少君出嚟喺我樓下附近飲茶，出嚟分享吓我哋好番嘅喜悅，亦都分享吓喺醫院要注意嘅衛生，我哋喺醫院四個人一間房，瞓覺都要戴住口罩瞓，唔戴住係好危險。但係出嚟飲茶係唔啱嘅，係大意，先同大家講聲對唔住，亦都先多謝呢兩個星期照顧我嘅醫護人員、醫生同姑娘，同埋對家人講聲對唔住令佢哋受影響，公司方面一直有照顧我，講聲對唔住。我希望大家就算確診好番，都唔好隨便約人飲茶，盡量留喺屋企兩星期，調理身體，總之唔好出去應酬，不必要嘅聚會。我喺度都講聲大家注意衛生，身體健康，對唔住所有朋友，我做錯了。」
----------------------------
無懼白色恐怖 黎智英劉細良開講抗港版国安法
立即收看ChannelNEXT《人民學堂》
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
