齊齊拍片為《反黑路人甲》宣傳~藝人湯怡憑熱播劇集《反黑路人甲》成功入屋，呢日佢搵埋同劇拍檔張振朗及賴慰玲，齊齊拍片下廚整Tiramisu，為劇集造勢。 ...
藝人湯怡憑熱播劇集《反黑路人甲》成功入屋，呢日佢搵埋同劇拍檔張振朗及賴慰玲，齊齊拍片下廚整Tiramisu，為劇集造勢。見湯怡搣甩劇中「眼鏡娘」造型，以白色低胸吊帶裙上陣，非常養眼。當中佢哋搞搞新意思，三個人分成兩隊用板隔開，湯怡邊整蛋糕邊「聲音導航」指導在旁嘅二人下廚，認真大挑戰。期間見三人老友鬼鬼、雞啄唔斷，當中張振朗更大整蠱，特登叫錯湯怡做「湯唯」及「蔣怡」，相當搞笑。
經過一輪「大戰」後，雖然張振朗同賴慰玲合力嘅製成品，唔及老師湯怡整嘅咁好味，但賣相尚算不俗，總算合格。
